475 үгтэй эссэ.
21-р зууны иргэдийн эзэмшсэн байвал зохих үндсэн чадваруудын нэг нь сурах чадвар юм гэдгийг дэлхийн улс орнууд хүлээн зөвшөөрч, үүнд гол анхаарлаа хандуулах болжээ. Суралцах үйл гэж юу вэ? гэсэн асуулт тавьж, нэвтэрхий толь, ном сурах бичгээс тодорхойлолт хайвал “Learning is the process of acquiring knowledge, skills, values, or developing the ability to perform new behaviors, attitude:  Суралцахуй бол мэдлэг, чадвар дадал, соёлын үнэт  зүйлсийг эзэмших, шинэ хандлагаар төлөвших үйл явц” гэсэн ерөнхий тодорхойлолт голцуу олдоно.  Гэвч хүний сурах үйл гэж чухам юу болохыг энэ тодорхойлолтоор хязгаарлаж болохгүй бөгөөд суралцахуй нь өргөн утгатай, олон талтай ойлголт юм.
 Шинэ зууны боловсролын томоохон зорилт нь: Хүн өөрөө өөрийгөө таньж нээх боломжийг бий болгож улмаар өөртөө таарч тохирох аргаар бие даан хөгжиж сурахад чиглэж байгаа билээ. Үүний тулд хүн амыг сургаж ирсэн, сурч ирсэн арга барилыг шинэчлэх хэрэгцээ үүсэж байна.